სიახლეები

03 დეკემბერი 2018

თანამედროვე ბალეტის „ფოლია“ პრემიერამ წარმატებით ჩაიარა. ვულოცავთ მონაწილეებს, გიორგი ალექსიძის სახელობის „თბილისის თანამედროვე ბალეტის“ დასისა და თბილისის სახელმწიფო კამერული ორკესტრის „საქართველოს სინფონიეტა“ შემოქმედებით, ტექნიკურ და ადმინისტრაციულ გუნდს!

სრულად ...

03 დეკემბერი 2018

თანამედროვე ბალეტი “ფოლია” საზოგადოებრივი მაუწყებლის პირველი არხის დილის ეთერში სიუჟეტის ავტორები: მარიამ ფირცხალავა, ბექა გაჩავა

სრულად ...

https://www.youtube.com/watch?v=2YOmEHFYS5c&t=11s

02 დეკემბერი 2018

FOLIA - LIVE

სრულად ...

2 დეკემბერი
თბილისის ბაროკო ფესტივალი
"ფოლია"
თანამედროვე ბალეტის პრემიერა

https://www.youtube.com/watch?v=El5xaNj-kyk

02 დეკემბერი 2018

“ფოლია” თანამედროვე ბალეტი თათია ბუხრაშვილის სიუჟეტი საზოგადოებრივი მაუწყებლის პირველი არხი

სრულად ...

https://www.youtube.com/watch?v=biPEzkxObPE

01 დეკემბერი 2018

1 დეკემბერი თბილისის ბაროკო ფესტივალი "ფოლია" თანამედროვე ბალეტის პრემიერა

სრულად ...

https://www.youtube.com/watch?v=ZiUNvRW0BMk&t=131s

29 ნოემბერი 2018

დასის სამხატვრო ხელმძღვანელის მარიამ ალექსიძის ფეისბუქზე გამოქვეყნებული სტატუსი 1,2 და 3 დეკემბერს დაგეგმილი თანამედროვე ბალეტის “ფოლია” პრემიერის შესახებ

სრულად ...

მალე პრემიერაა - „ფოლია“.

თინა ყაზახიშვილის ფოტოზე ბალერინა ირინა ალექსიძის, ბები ირას, ანტიკვარული მარაოთი გიორგი ალექსიძის სახელობის „თბილისის თანამედროვე ბალეტის“ დასის სოლისტი ინტიგამ მამედოვია, რომელსაც ამ სპექტაკლში ძალიან ფაქიზი და ვნებიანი სახის შესრულება მივანდე.

ერთობლივი დადგმის ინიციატივა თბილისის სახელმწიფო კამერულ ორკესტრს „საქართველოს სინფონიეტას“ ეკუთვნის, რომელიც აღტაცებით ავიტაცე. გიორგი ალექსიძის იდეა კამერულ ჟანრში სწორედ ორი ფენომენის, მუსიკისა და ცეკვის ბუნების თანაბარ სიმაღლეზე წარმოჩენას გულისხმობდა. დამაინტერესა, ბაროკოს მუსიკის ავთენტურ შესრულებასთან ნეობაროკოსა და თანამედროვე ბალეტის ესთეტიკის შერწყმით ახლებური ქორეოგრაფიული ფორმა მომეძებნა და მომაფიქრდა ფოლია.

ფოლია ერთ-ერთი ადრეული ევროპული მუსიკალური თემაა. პირველად ცეკვის ეს სახელწოდება „ფოლია“ პორტუგალიელი დრამატურგის ჟილ ვინსენტეს პიესაში გვხვდება (XVI საუკუნე), რაც სიგიჟეს, ვნებას ნიშნავს. თავდაპირველად ფოლია საკარნავალო ცეკვა იყო კასტანეტებისა და სხვადასხვა საჟღარუნო და დასარტყამი საკრავების თანხლებით. ასრულებდნენ ქალად გადაცმული მამაკაცები და ისე ხმაურიანად და აღვირახსნილად იქცეოდნენ, როგორც გონებააშლილები. შემდგომში ფოლია სასიყვარულო ხასიათის ცეკვად გარდაისახა და უფრო მოგვიანებით მეტად აღმატებულ ესპანურ ცეკვა-მსვლელობას, სარაბანდას მიუახლოვდა, ტემპიც შენელდა და მაჟორი მინორად იქცა.

გიორგი ქერელაშვილის ხელმძღვანელობით, სპექტაკლის მუსიკალური ვერსია აერთიანებს ანტონიო ვივალდის , ფრანჩესკო ჯემინიანის, ანდრეა ფალკონიერისა და გეორგ ფრიდრიხ ჰენდელის ნაწარმოებებს ფოლიას თემაზე, აგრეთვე ანტონიო ვივალდის ნაწარმოებს Stabat Mater, რომელსაც კონტრტენორი მიხეილ აბრამიშვილი შეასრულებს.

როგორი გამოვიდა ჩვენი „ფოლია“ ბოლომდე ჯერ არ ვიცი, სპექტაკლის წამყვანმა რეჟისორმა ნიალა გოძიაშვილმა მითხრა შენ თვითონ ფოლია ხარო :)))

დიდი მადლობა თბილისის ბაროკო ფესტივალსა და ჩემთვის განსაკუთრებულად საყვარელ სამეფო უბნის თეატრს, სადაც 1,2 და 3 დეკემბერს გელოდებათ ფოლია!

27 ნოემბერი 2018

პრემიერა

სრულად ...

თბილისის ბაროკო ფესტივალი
1,2 და 3 დეკემბერი / 19:30
სამეფო უბნის თეატრი

პრემიერა
„ფოლია“
თანამედროვე ბალეტი

ბილეთების შესაძენად გადადით ბმულზე:

https://biletebi.ge/tbilisi-baroque-fe…/folia-premiera-folia?

ბილეთების შეძენა აგრეთვე შეგიძლიათ „ბიბლუს გალერიში“, რომელიც მდებარეობს ჭავჭავაძის N7

სპექტაკლში ჟღერს: ანტონიო ვივალდის, ფრანჩესკო ჯემინიანის, ანდრეა ფალკონიერისა და გეორგ ფრიდრიხ ჰენდელის მუსიკა

პროექტის იდეის ავტორი და ინიციატორი - თბილისის სახელმწიფო კამერული ორკესტრი „საქართველოს სინფონიეტა“

სპექტაკლის იდეის ავტორი და დამდგმელი ქორეოგრაფი - მარიამ ალექსიძე

მონაწილეობენ:
გიორგი ალექსიძის სახელობის „თბილისის თანამედროვე ბალეტის“ დასი

დასის სამხატვრო ხელმძღვანელი - მარიამ ალექსიძე

თბილისის სახელმწიფო კამერული ორკესტრი „საქართველოს სინფონიეტა“

სამხატვრო ხელმძღვანელი - გიორგი ქერელაშვილი

მიხეილ აბრამიშვილი (კონტრტენორი)

ეტიენ გალეტიე (თეორბო, ბაროკოს გიტარა)

 

ფოტო: თინა ყაზახიშვილი
დიზაინი: ბესიკ დანელია
აფიშაზე ინტიგამ მამედოვი

21 ნოემბერი 2018

გადაცემა სცენა - გურჯი-ხათუნი

სრულად ...

გიორგი ალექსიძის სახელობის „თბილისის თანამედროვე ბალეტის“ დასმა, 4 აგვისტოს, ბათუმის მუსიკალურ ცენტრში წარმოადგინა მარიამ ალექსიძის თანამედროვე ბალეტი „გურჯი-ხათუნი“.

გთავაზობთ აჭარის ტელევიზიის გადაცემას „სცენა“ თანამედროვე ბალეტზე „გურჯი-ხათუნი“.
ავტორი - ინგა ხალვაში

17 ნოემბერი 2018

პრესკონფერენცია - თბილისის ბაროკო ფესტივალი

სრულად ...

დაიწყო მნიშვნელოვანი თანამშრომლობა თბილისის სახელმწიფო კამერულ ორკესტრს „საქართველოს სინფონიეტა“ და გიორგი ალექსიძის სახელობის „თბილისის თანამედროვე ბალეტის“ დასს შორის.

1,2 და 3 დეკემბერს, თბილისის ბაროკო ფესტივალის ფარგლებში, სამეფო უბნის თეატრში „საქართველოს სინფონიეტასა“ და გიორგი ალექსიძის სახელობის „თბილისის თანამედროვე ბალეტის“ დასის მიერ წარმოდგენილი იქნება მარიამ ალექსიძის თანამედროვე ბალეტის „ფოლია“ პრემიერა, ანტონიო ვივალდის, ფრანჩესკო ჯემინიანის, ანდრეა ფალკონიერისა და გეორგ ფრიდრიხ ჰენდელის ნაწარმოებებზე.

03 ნოემბერი 2018

3 ნოემბერს, ქალაქ ქუთაისში, გიორგი ალექსიძის სახელობის „თბილისის თანამედროვე ბალეტის“ დასმა მონაწილეობა მიიღო განახლებული „თეთრი ხიდის“ საზეიმო გახსნის ცერემონიალში. წარმოდგენილი იყო მარიამ ალექსიძის ქორეოგრაფიული კომპოზიცია გალაკტიონ ტაბიძის პოეზიაზე.

სრულად ...

02 ოქტომბერი 2018

ქუთაისის ჯორჯ ბალანჩინის სახელობის საერთაშორისო ქორეოგრაფიული ფესტივალი

სრულად ...

ქორეოგრაფიის ხელოვნების პოპულარიზაციისა და ახალგაზრდა თაობაში ხელოვნების ამ დარგის მიმართ ცნობიერების ამაღლების მიზნით, გიორგი ალექსიძის სახელობის „თბილისის თანამედროვე ბალეტის“ დასმა მონაწილეობა მიიღო ქალაქ ქუთაისის ჯორჯ ბალანჩინის სახელობის საერთაშორისო ქორეოგრაფიულ ფესტივალში.

ვინაიდან ფესტივალი ჯორჯ ბალანჩინის სახელს ატარებს, გიორგი ალექსიძის სახელობის „თბილისის თანამედროვე ბალეტის“ დასმა 2 ნოემბერს ფესტივალი გახსნა ჯორჯ ბალანჩინის სტილის ერთ-ერთი გამგრძელებლისა და ნოვატორი ქორეოგრაფის გიორგი ალექსიძის საბალეტო მინიატურებითა და ერთმოქმედებიანი ბალეტით „დიპლიპიტო“, გია ყანჩელის მუსიკაზე.

ჯორჯ ბალანჩინის სახელობის საერთაშორისო ქორეოგრაფიული ფესტივალის ფარგლებში, თანამედროვე ცეკვის ტენდენციების დანერგვის მიზნით ფესტივალში მონაწილე ახალგაზრდებისათვის და ქალაქ ქუთაისში მოქმედი საბალეტო სტუდიებისათვის დასის მიერ თანამედროვე ბალეტის მასტერკლასების ჩატარება დაიგეგმა.

15 ნოემბერი 2018

დასის სამხატვრო ხელმძღვანელის მარიამ ალექსიძის წერილი გერმანიის გასტროლის შესახებ

სრულად ...

გიორგი ალექსიძის სახელობის „თბილისის თანამედროვე ბალეტის“ დასის პირველი საერთაშორისო გასტროლი გერმანიაში წარმატებით დასრულდა. მაყურებლის ემოციამ და აღტაცებულმა მიღებამ ყოველგვარ მოლოდინს გადააჭარბა.

ვულოცავ პროექტის „საზღვრებს მიღმა“ შემოქმედებით გუნდს, გიორგი ალექსიძის სახელობის „თბილისის თანამედროვე ბალეტის“ დასს, პროექტში მონაწილე მუსიკოსებს, პროექტის სულისჩამდგმელებსა და მასპინძლებს გერმანიაში! განსაკუთრებული მადლობა რუსუდან მეიფარიანს, რომლის შემოქმედებაც გახდა მუხტი, შთაგონება და ჩვენი თანამშრომლობის დაწყების საფუძველი.

პროექტის განხორციელების შესაძლებლობისათვის მადლობა მუსიკალურ ფონდს გერმანიაში!

დიდი მადლობა თბილისის მერიას დასის საქმიანობის მხარდაჭერისა და თანადგომისათვის!

დასის საქმიანობა ეყრდნობა ჩვენს ღირებულებებსა და შემოქმედებით ხედვას, რომლის შენარჩუნებაც და განვითარებაც პასუხისმგებლობას, ფიქრს, ანალიზს, სიმტკიცეს, ძალისხმევას, დასახული მიმართულების სათანადოდ აღსრულებასა და წარმოჩენას მოითხოვს. ჩემს დაუოკებელ ჩანაფიქრებში გვერდში დგომისათვის დიდი მადლობა დასის თითოეულ წევრს! განსაკუთრებული მადლობა მარინა ალექსიძეს, პროფესიისადმი და შემოქმედთათვის თავდადებულ ადამიანს, თავად დიდ არტისტს და ჩვენი დასის დირექტორს დავით მაზიაშვილს, მრავალმხრივ ნიჭიერ პიროვნებას, მისი გამორჩეული ხედვის, აღქმის, მრავალფეროვანი იდეებისა და მათი ხორცშესხმის განსაკუთრებული უნარისათვის!!!

14 ნოემბერი 2018

14 ნოემბერი გიორგი ალექსიძის დაბადების დღეა. დღეს მას 79 წელი შეუსრულდებოდა. ფოტო ვ.ზენიზინოვის 2006 წ.

სრულად ...

13 ნოემბერი 2018

სტატია Schwäbische Zeitung-ში

სრულად ...

https://www.schwaebische.de/landkreis/landkreis-sigmaringen/scheer_artikel,-t%C3%A4nzer-schlie%C3%9Fen-die-verst%C3%A4ndnisl%C3%BCcke-_arid,10962703.html?fbclid=IwAR3dG65GqpWPV1efMjz2iuGqeoVME8Gdq6u8fCNSBsfva3MSPqXFp3Nyhqs

12 ნოემბერი 2018

Stuttgart, Germany

სრულად ...

https://www.youtube.com/watch?v=fhSojhNZRHI&t=28s

11 ნოემბერი 2018

11 ნოემბერი Schorndorf, Germany

სრულად ...

https://www.youtube.com/watch?v=ysrzKvrL6XU

10 ნოემბერი 2018

პრემიერა 10 ნოემბერი 2018 Scheer, Germany

სრულად ...

https://www.youtube.com/watch?v=TXEXeEl9NGo

10 ნოემბერი 2018

სტატია Stuttgarter-Zeitung-ში

სრულად ...

https://www.stuttgarter-zeitung.de/inhalt.georgien-projekt-im-linden-museum-ein-kleines-land-steht-im-rampenlicht.94259ff6-91a1-42a6-8927-40995b2f2b35.html?fbclid=IwAR0ulElgrGCiTUXhZQ06hldtangV5j5BMMeTpfLuRbDd3eDSaMK2b3wo-fs

10 ნოემბერი 2018

პირველი რეპეტიცია შტუტგარტში (გერმანია)

სრულად ...

08 ნოემბერი 2018

Giorgi Aleksidze Tbilisi Contemporary Ballet was travelling to Stuttgart

სრულად ...

06 ნოემბერი 2018

ქალაქ თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსის ირაკლი გვილავას მადლობის წერილი დასს.

სრულად ...

25 ოქტომბერი 2018

AGENDA.GE

სრულად ...

ინგლისურენოვანი სტატია დასის პირველი საერთაშორისო გასტროლის შესახებ გერმანიაში.

http://agenda.ge/en/news/2018/2222

08 ნოემბერი 2018 - 14 ოქტომბერი 2018

გიორგი ალექსიძის სახელობის „თბილისის თანამედროვე ბალეტის“ დასის პირველი საერთაშორისო გასტროლი გერმანიაში!

სრულად ...

გიორგი ალექსიძის სახელობის „თბილისის თანამედროვე ბალეტის“ დასის მესამე სეზონს შედგება პირველი საერთაშორისო გასტროლი გერმანიაში!

პროექტი "Hinter den Grenzen" (საზღვრებს მიღმა) ამორჩეულ იქნა და ფინანსდება გერმანული მუსიკალური ფონდის მიერ 2018 წელს, როდესაც საქართველო ფრანკფურტის წიგნის ბაზრობის საპატიო სტუმარ ქვეყანას წარმოადგენს. პროექტის მიზანია ერთი თაობის სამმა ქართველმა ხელოვანმა, პოეტმა რატი ამაღლობელმა, გერმანიაში მოღვაწე ქართველმა კომპოზიტორმა და მუსიკოსმა რუსუდან მეიფარიანმა და ქორეოგრაფმა მარიამ ალექსიძემ შექმნან ახალი ლიტერატურულ-მუსიკალურ-ქორეოგრაფიული წარმოდგენა, რომლის პრემიერაც გერმანიაში გაიმართება. გიორგი ალექსიძის სახელობის „თბილისის თანამედროვე ბალეტის“ დასის მსახიობებთან ერთად წარმოდგენაში მონაწილეობას მიიღებენ რუსუდან მეიფარიანი და მისი ანსამბლის წევრები, გერმანიაში მოღვაწე ქართველი მუსიკოსები ნატა მეიფარიანი და გიგა ხელაია. პროექტის ფარგლებში აგრეთვე შესრულდება ქორეოგრაფიული წარმოდგენა „ხმა დაირისა...“, რომელიც მარიამ ალექსიძის მიერ რუსუდან მეიფარიანის სოლო პროგრამაზე 2017 წლის „თბილისობის“ დღესასწაულისთვის დაიდგა.

8 დან 13 ნოემბრამდე სამხრეთ გერმანიაში სამი წარმოდგენაა დაგეგმილი. ქალაქ შტუტგარტში წარმოდგენის შემდეგ გაიმართება მაყურებელსა და შემოქმედებით ჯგუფს შორის შეხვედრა-დისკუსია, რომელსაც წარუძღვება კულტუროლოგი ულრიკე ბონე.

პროექტის მხარდამჭერები არიან გერმანულ მუსიკალური ფონდი და ქალაქ თბილისის მერია.

დიზაინი - სონია შუბერტი
ფოტო - თინა ყაზახიშვილი

19 ოქტომბერი 2018 - 21 ოქტომბერი 2018

METAMORPHOSES

სრულად ...

აბრეშუმის ფაბრიკის კინოპავილიონი
19, 20, 21 ოქტობერი
მეტამორფოზები

გიორგი ალექსიძის სახელობის „თბილისის თანამედროვე ბალეტისა“ და “Silk Factory Studio” - ს ერთობლივი პროექტი.

თანამედროვე ბალეტი ოვიდიუსის „მეტამორფოზების“ მიხედვით
სპექტაკლში ჟღერს იოჰან სებასტიან ბახისა და
ნიკა მაჩაიძის ორიგინალური მუსიკა
იდეის ავტორი და დამდგმელი ქორეოგრაფი -
მარიამ ალექსიძე
დამდგმელი მხატვარი - ანა ნინუა
პროექტის იდეის, კონცეფციის ავტორი და ხელმძღვანელი -
დავით მაზიაშვილი

მონაწილეობს გიორგი ალექსიძის სახელობის „თბილისის თანამედროვე ბალეტის“ დასი

19,20,21 October
Metamorphoses

A joint project of Giorgi Aleksidze Tbilisi Contemporary Ballet and Silk Factory Studio

A Contemporary Ballet based upon Ovid’s Metamorphoses
Ballet is staged to the music by Johann Sebastian Bach and
original music by Nika Machaidze
Idea and Choreography by Mariam Aleksidze
Stage Design by Ana Ninua
Project idea, concept and project supervision by 
David Maziashvili

Cast: 
Giorgi Aleksidze Tbilisi Contemporary Ballet Company

Company Artistic Director – Mariam Aleksidze

At Silk Factory Studio (former Silk Factory)
Address: 59, Merab Kostava Street

12 ოქტომბერი 2018

„2018 წლის წინანდლის პრემიის“ დაჯილდოების საზეიმო გალა კონცერტი

სრულად ...

12 ოქტომბერს გიორგი ალექსიძის სახელობის „თბილისის თანამედროვე ბალეტის“ დასმა მონაწილეობა მიიღო „2018 წლის წინანდლის პრემიის“ დაჯილდოების საზეიმო გალა კონცერტში, რომელიც სახელოვნებო სივრცე „რესპუბლიკაში“ გაიმართა.

12 ოქტომბერი 2018

წინანდლის პრემია 2018

სრულად ...

12 ოქტომბერს გიორგი ალექსიძის სახელობის „თბილისის თანამედროვე ბალეტის“ დასი მონაწილეობს „2018 წლის წინანდლის პრემიის“ დაჯილდოების საზეიმო გალა კონცერტში, რომელიც სახელოვნებო სივრცე „რესპუბლიკაში“ გაიმართება.

06 ოქტომბერი 2018 - 07 ოქტომბერი 2018

მეტრონომი

სრულად ...

6 და 7 ოქტომბერს გიორგი ალექსიძის სახელობის „თბილისის თანამედროვე ბალეტის“ დასმა მონაწილეობა მიიღო 2018 წლის “თბილისობის“ დღესასწაულში, რომელიც ლეღვთახევში გაიმართა. წარმოდგენილი იყო მარიამ ალექსიძის თანამედროვე ბალეტი "მეტრონომი" ნატალია ბერიძისა და ნიკა მაჩაიძის მუსიკაზე.

06 ოქტომბერი 2018 - 07 ოქტომბერი 2018

თბილისობა 2018

სრულად ...

“თბილისობის" სამზადისი

"მეტრონომი"
მუსიკა ნატალია ბერიძისა და ნიკა მაჩაიძის
ქორეოგრაფი - მარიამ ალექსიძე
მონაწილეობს გიორგი ალექსიძის სახელობის "თბილისის თანამედროვე ბალეტის" დასი, 
ნატალია ბერიძე და ნიკა მაჩაიძე

ლეღვთახევი

6 ოქტომბერი
დასაწყისი: 20 სთ

7 ოქტომბერი
დასაწყისი: 21 სთ

19, 20, 21 ოქტობერს გიორგი ალექსიძის სახელობის „თბილისის თანამედროვე ბალეტისა“ და Silk Factory Studio - ს ერთობლივი პროექტი - "მეტამორფოზები".

სრულად ...

ეს არის შესაძლებლობა მარიამ ალექსიძის თანამედროვე ქორეოგრაფიის ენით მონათხრობი ოვიდიუსის "უწყვეტი სიმღერა" ნახოთ, რომელიც სამყაროს წარმოშობიდან კაცობრიობის ბედს აღწერს. 

აბრეშუმის ფაბრიკის კინოპავილიონი ანა ნინუას მხატვრული გადაწყვეტის მიხედვით, სპეციალურად ამ ჩანაფიქრისთვის მოეწყო."გარდასახვები" მუსიკასაც შეეხო, როდესაც იოჰან სებასტიან ბახის კომპოზიციებთან სინთეზში ნიკა მაჩაიძის სპეციალურად "მეტამორფოზებისთვის" შექმნილი ელექტრონული მუსიკა ჟღერს.  

ბილეთების შესაძენად გადადით ბმულზე:

https://biletebi.ge/tbilisis-tanamedrove-baleti/metamorfozebi-metamorphoses

28 სექტემბერი 2018

საქველმოქმედო საღამო

სრულად ...

„ბერი ანდრიას სახელობის საქველმოქმედო ფონდის“ მხარდასაჭერად გიორგი ალექსიძის სახელობის „თბილისის თანამედროვე ბალეტის“ დასმა მონაწილეობა მიიღო „სიცოცხლის ფესტივალი 2018“ - ის დასკვნით ღონისძიებაში, რომელიც  28 სექტემბერს გაიმართა

 

26 სექტემბერი 2018

2018/2019 მესამე სეზონის გახსნა

სრულად ...

26 სექტემბერი

რუსთაველის თეატრის დიდი სცენა

გიორგი ალექსიძის სახელობის „თბილისის თანამედროვე ბალეტის“ მესამე სეზონის გახსნა

გიორგი ალექსიძის ქორეოგრაფიის საღამო

ბილეთების შესაძენად გადადით ბმულზე :

https://biletebi.ge/tbilisis-tanamedrove-baleti/giorgi-aleqsidzis-qoreografiis-saghamo-evening-of-giorgi-aleksidze-choreography

28 აგვისტო 2018

გიორგი ალექსიძის ავტობიოგრაფიული წიგნი „ბალეტი ცვალებად სამყაროში“

სრულად ...

გიორგი ალექსიძის სახელობის თანამედროვე ქორეოგრაფიის განვითარების ფონდის მიერ საქართველოს განათლების, მეცნიერების, კულტურისა და სპორტის სამინისტროს ხელშეწყობით, გამომცემლობა „სეზანში“  დაიბეჭდა გიორგი ალექსიძის ავტობიოგრაფიული წიგნი „ბალეტი ცვალებად სამყაროში“.

04 აგვისტო 2018

2017/2018 წლის მეორე თეატრალური სეზონის დახურვა

სრულად ...

2017/2018 წლის მეორე თეატრალური სეზონი გიორგი ალექსიძის სახელობის „თბილისის თანამედროვე ბალეტის“ დასმა ბათუმში გასტროლით და ბათუმის მუსიკალურ ცენტრში თანამედროვე ბალეტის „გურჯი-ხათუნი“ წარმატებულად ჩატარებით დაასრულა.

04 აგვისტო 2018

გიორგი ალექსიძის სახელობის „თბილისის თანამედროვე ბალეტის“ გასტროლი ბათუმში 4 აგვისტო/20 სთ. ბათუმის სახელმწიფო მუსიკალური ცენტრი „გურჯი-ხათუნი“

სრულად ...

თანამედროვე ცეკვის სამოყვარულო კლასები სექტემბრიდან კვლავ განახლდება

სრულად ...

2017 წელს, გიორგი ალექსიძის სახელობის „თბილისის თანამედროვე ბალეტის“ დასის მეორე სეზონს, თანამედროვე ცეკვის განვითარების მიზნით,  საფუძველი ჩავუყარეთ საგანმანათლებლო პროგრამებს.

დასრულდა თანამედროვე ცეკვის სამოყვარულო კლასები. სამოყვარულო კლასები სექტემბრიდან კვლავ განახლდება.

დიდი მადლობა საგანმანათლებლო პროგრამების ხელმძღვანელს მარინა ალექსიძეს, თანამედროვე ცეკვის სამოყვარულო კლასების პედაგოგს ანა ალბუთაშვილს, საგანმანათლებლო პროგრამების ადმინისტრატორს თათია სიბაშვილს და სამოყვარულო კლასების მონაწილეებს!

 

04 აგვისტო 2018

„გურჯი-ხათუნი“ გიორგი ალექსიძის სახელობის „თბილისის თანამედროვე ბალეტის“ გასტროლი ბათუმში

სრულად ...

4 აგვისტო/20 სთ.

ბათუმის სახელმწიფო მუსიკალური ცენტრი

 

 „გურჯი-ხათუნი“

დათო ტურაშვილის რომანის მიხედვით

თანამედროვე ბალეტი ერთ მოქმედებად

 

იდეის ავტორი და დამდგმელი ქორეოგრაფი - მარიამ ალექსიძე

კომპოზიტორი - იოსებ ბარდანაშვილი

მხატვარი - ანა კალატოზიშვილი

მონაწილეობს გიორგი ალექსიძის სახელობის  „თბილისის თანამედროვე ბალეტის“ დასი

ბილეთების შესაძენად გადადით ბმულზე:

https://biletebi.ge/tbilisis-tanamedrove-baleti/gurji-khatuni-gastroli-batumshi-gurji-khatun-tour-in-batumi

29 ივნისი 2018

თანამედროვე ცეკვის ტექნიკის შემსწავლელი კურსი

სრულად ...

 

 

2017 წელს, გიორგი ალექსიძის სახელობის „თბილისის თანამედროვე ბალეტის“ დასის მეორე სეზონს, თანამედროვე ცეკვის განვითარების მიზნით,  საფუძველი ჩავუყარეთ საგანმანათლებლო პროგრამებს.

დღეს დასრულდა თანამედროვე ცეკვის ტექნიკის შემსწავლელი კურსის, პირველი საფეხური. ვულოცავთ მონაწილეებს კურსის წარმატებით დასრულებას.

დიდი მადლობა პროგრამის ხელმძღვანელს, დასის მმართველს მარინა ალექსიძეს და თანამედროვე ცეკვის ტექნიკის შემსწავლელი კურსის პედაგოგს, დასის წამყვან სოლისტს           ნინო გოგუას!

თანამედროვე ცეკვის ტექნიკის შემსწავლელი კურსები სექტემბრიდან კვლავ განახლდება.

20 ივნისი 2018 - 21 ივნისი 2018

გიორგი ალექსიძის სახელობის „თბილისის თანამედროვე ბალეტის“ პრემიერამ STALAG VIII-A, ოლივიე მესიანის თხზულების „კვარტეტი ჟამთა აღსასრულისა“ ცოცხალი შესრულებით, წარმატებით ჩაიარა. ვულოცავთ ყველა მონაწილეს!!!

სრულად ...

„მოცეკვავეებთან მუშაობისას ვეცადეთ, შეგვეღწია ბგერების გულში, ყური დაგვეგდო ფრინველთა და ანგელოზთა გალობისათვის. დასის დაარსებიდან მეორე სეზონს ჩვენი მოცეკვავეები აამოძრავებენ მესიანის ფერადოვან ბგერებს. დიდი მადლობა პიანისტ ირინა ვარდელს, რომ  ამ იდეის აღსრულებაში მხარში ამომიდგა, ჩვენი ჩანაფიქრის ირგვლივ გააერთიანა არაჩვეულებრივი მუსიკოსები, დიდი მადლობა მათ თავიანთი შემოქმედებისათვის! მადლიერი ვარ ჩვენი დასის თითოეული წევრის, შემოქმედებითი და ადმინისტრაციული გუნდის. დიდი მადლობა თბილისის მერიასა და საკრებულოს იმისათვის, რომ თბილისს თანამედროვე საბალეტო დასი ჰყავს!

ოლივიე მესიანის „კვარტეტი ჟამთა აღსასრულისა“  მარადიულობით და უკვდავყოფით სრულდება. ამ დადგმით მოკრძალებით, პატივს მივაგებთ სახელოვანი მევიოლინის კონსტანტინე ვარდელის ხსოვნას!“ - მარიამ ალექსიძე

20 ივნისი 2018 - 21 ივნისი 2018

STALAG VIII-A თანამედროვე ბალეტი

სრულად ...

20 და 21 ივნისს

გიორგი ალექსიძის სახელობის „თბილისის თანამედროვე ბალეტის“

პრემიერა შედგა.

რუსთაველის თეატრის მცირე სცენაზე ოლივიე მესიანის თხზულების

„კვარტეტი ჟამთა აღსასრულისა“ (Quatuor pour la fin du temps)

ცოცხალ შესრულებაზე წარმოდგენილი იყო მარიამ ალექსიძის

თანამედროვე ბალეტი  STALAG VIII-A

 

20 და 21 ივნისი რუსთაველის თეატრი გიორგი ალექსიძის სახელობის „თბილისის თანამედროვე ბალეტის“ პრემიერა

სრულად ...

ეძღვნება სახელგანთქმული მევიოლინის კონსტანტინე ვარდელის ხსოვნას

 STALAG VIII-A

თანამედროვე ბალეტი ერთ მოქმედებად

 ოლივიე მესიანის „კვარტეტი ჟამთა აღსასრულისა“

კლარნეტის, ვიოლინოს, ვიოლონჩელოსა და ფორტეპიანოსათვის

 

16 ივნისიდან თანამედროვე ბალეტის  Stalag VIII-A  ბილეთები შეგიძლიათ შეიძინოთ რუსთაველის თეატრის სალაროში.

აგრეთვე ბმულზე:

https://biletebi.ge/tbilisis-tanamedrove-baleti/stalag-viii-a-stalag-viii-a

და „ბიბლუს გალერიში“, რომელიც მდებარეობს ჭავჭავაძის N7

 

 

27 აპრილი - ცეკვის საერთაშორისო დღე

სრულად ...

2018 წლის 27 და 28 აპრილს საქართველოს შოთა რუსთაველის თეატრისა და კინოს სახელმწიფო უნივერსიტეტში ჩატარდება ცეკვის საერთაშორისო დღესთან დაკავშირებული სტუდენტური ქორეოგრაფიული ფორუმ-ფესტივალი „ტერფსიქორე - 2018 “, რომლის ფარგლებშიც  27 აპრილს შედგება გიორგი ალექსიძის სახელობის „თბილისის თანამედროვე ბალეტის“ სამხატვრო ხელმძღვანელისა და ქორეოგრაფის, მარიამ ალექსიძის შეხვედრა-მასტერკლასი ქორეოგრაფიული სპეციალობის სტუდენტებთან. 

 

 

14 აპრილი დედაენის დღე

სრულად ...

14 აპრილი 2018

 დედაენის დღე

 16 სთ-ზე, დედაენის ბაღში, გიორგი ალექსიძის სახელობის „თბილისის თანამედროვე ბალეტი“ შეასრულებს მარიამ ალექსიძის ქორეოგრაფიულ კომპოზიციებს „თუთა“ და „ზღვისფერი გაქვს თვალები“. მუსიკა ანა კალანდაძისა და კონსტანტინე გამსახურდიას ლექსების ავტორისეულ ჩანაწერებზე ნატალია ბერიძისა და ნიკა მაჩაიძის მიერ შეიქმნა.

ხანგრძლივობა 10 წთ

დასწრება თავისუფალია

(მუსიკალური კომპოზიციები 2014 წლის ლიტერატურული პრემია „საბას“ დაჯილდოების პროექტის, „ეპოქის ხმები“, ფარგლებში შეიქმნა)

3,4 მაისი | 20 სთ. რუსთაველის თეატრის მცირე სცენა „დოვინ-დოვენ-დოვლი...“ თანამედროვე ბალეტი გალაკტიონ ტაბიძის პოეზიაზე

სრულად ...

3,4 მაისი | 20 სთ.

რუსთაველის თეატრის მცირე სცენა

 

„დოვინ-დოვენ-დოვლი...“ არის ქორეოგრაფ მარიამ ალექსიძის საავტორო თანამედროვე საბალეტო სპექტაკლი და  გიორგი ალექსიძის სახელობის „თბილისის თანამედროვე ბალეტის“ პირველი სარეპერტუარო სპექტაკლი, რომელიც განსაკუთრებული და ორიგინალურია იმით, რომ ქორეოგრაფია გალაკტიონ ტაბიძის პოეზიაზეა დადგმული. სპექტაკლის დრამატურგიული ხაზი ლექსის ენით ვითარდება, სიტყვა მოძრაობის იმპულსს იძლევა, სხეული მიჰყვება ლექსის რიტმს, ხასიათსა და ბუნებას. თითოეული მოცეკვავე გამოყოფილია და მათი ინდივიდუალობა გუნდშიც თვალსაჩინოა. გულიდან წამოძახილ სიტყვებს -  „დოვინ-დოვენ-დოვლი...“ გალაკტიონის ლექსიდან „მოვა... მაგრამ როდის?“ - კონკრეტული ახსნა არა აქვს, ყველა თავისებურად აღიქვამს, ისევე როგორც მთლიანად სპექტაკლს. ფინალური ეპიზოდი „მთაწმინდის მთვარეა“, რომელიც გალაკტიონის ავტორისეულ ჩანაწერზე სრულდება.

 

ბილეთების შესაძენად გადადით ბმულზე.

https://biletebi.ge/tbilisis-tanamedrove-baleti/dovin-doven-dovli-dovin-doven-dovli

ბილეთების შეძენა აგრეთვე შეგიძლიათ „ბიბლუს გალერიში“, რომელიც მდებარეობს ჭავჭავაძის N7

17,18 მარტი „მეტამორფოზები“ თანამედროვე ბალეტი

სრულად ...

მაყურებელთა ინტერესის გათვალისწინებით 17 და 18 მარტს თანამედროვე ბალეტის „მეტამორფოზები“ კიდევ ორი საპრემიერო წარმოდგენა გაიმართება.

 

„მეტამორფოზები“

სრულად ...

მეექვსე საპრემიერო სპექტაკლს ანშლაგით ვიწყებთ!

დიდი მადლობა მაყურებელს!

„მეტამორფოზები“ თანამედროვე ბალეტი გიორგი ალექსიძის სახელობის „თბილისის თანამედროვე ბალეტის“ სამხატვრო ხელმძღვანელის და დამდგმელი ქორეოგრაფის მარიამ ალექსიძის მიმართვა მაყურებელს.

სრულად ...

ოვიდიუსის პოემა „მეტამორფოზები“, იგივე „გარდასახვანი“ სწორედ იმით არის საინტერესო, რომ ყოველი მითი გარდასახვით მთავრდება. „მეტამორფოზებს“ წარმართულ ბიბლიას უწოდებენ. ოვიდიუსის ამ პოემით, მასში გაერთიანებული თქმულებების არსითა და სახეებით მწერლები, პოეტები, მხატვრები, კომპოზიტორები, რეჟისორები, ფილოსოფოსები, ფსიქოლოგები და მეცნიერები ეპოქების მანძილზე საზრდოობდნენ. პოემაში მოცემულია სამყარო, რომელიც მუდმივ ცვალებადობაზეა აგებული. ქორეოგრაფიული იდეის საფუძველიც ცვალებადობაა. სამყაროს უსასრულო სივრცისა და ფანტაზიის გამოსახატავად ქორეოგრაფიის  შემოქმედებითი ძალა  მიმართულია, რომ დაუბრუნდეს მითს, გააცოცხლოს ადამიანთა ბუნება, გამოხატოს მათი ფიზიკური, შინაგანი და გარეგნული მდგომარეობა, დაუბრუნდეს მათ ფსიქოლოგიას, გააცნობიეროს იგი და ხან პლასტიკურ, ხან კი სქემატური ფიგურების შექმნით გამოხატოს ის იდეები, ფორმები და ძალები, რომელიც  ადამიანის მეტამორფოზას ახდენს და მის სულს აყალიბებს.

ჩანაფიქრის მიხედვით მეტამორფოზა უნდა მომხდარიყო, როგორც იდეასა და ქორეოგრაფიაში, ისე მის გამოსახატავად აუცილებელ ყველა მიმართულებაში. მეტამორფოზა უნდა მომხადარიყო სივრცის თვალსაზრისითაც, ამიტომ სპექტაკლი არა აკადემიურ თეატრალურ გარემოში, არამედ განსხვავებულ, ახლებურ სივრცეში უნდა შექმნილიყო. აბრეშუმის ფაბრიკის კინოპავილიონი არის ძალზე საინტერესო ფორმის სივრცე, რომელიც სპექტაკლის დამდგმელი მხატვრის ანა ნინუას მხატვრული გადაწყვეტის მიხედვით, სპეციალურად ამ ჩანაფიქრისთვის მოეწყო. აბრეშუმის ფაბრიკის სტუდიის მიერ  სცენა და მაყურებელთა დარბაზი აიგო და სპექტაკლისათვის შექმნილი განათებისა და გახმოვანების სქემის მიხედვით თანამედროვე ტექნიკით აღიჭურვა. მაყურებელთა დარბაზი ერთი მხრივ მცირე ზომის ბერძნულ-რომაულ ამფითეატრს მოგვაგონებს, მეორე მხრივ კი, თანამედროვე თეატრს, როდესაც მაყურებელი მოქმედებასთან ახლოა მოთავსებული და მისი ერთგვარი ნაწილია. მხატვრული ჩანაფიქრიც ანტიკურისა და თანამედროვე ეპოქების სულის მატარებელი, დროის დამაკავშირებელი, მეტამორფოზული სიმბოლოებით გაჯერებული სივრცეა. უმთავრესი მეტამორფოზა მუსიკალური მიმართულებით უნდა მომხადარიყო. არჩევანი გავაკეთე იოჰან სებასტიან ბახსა და თანამედროვე კომპოზიტორ ნიკა მაჩაიძეზე, რომელმაც სპექტაკლისათვის ორიგინალური მუსიკა შექმნა და ჩემს მიერ შერჩეულ ბახის კომპოზიციებთან სინთეზში საუნდ დიზაინით გააფორმა. ადრეულ მუსიკასა და მინიმალისტურ, ელექტრონულ მუსიკას შორის დიალოგით ნათლად ჩანს თუ როგორი მეტამორფოზა განიცადა მუსიკამ ეპოქების მანძილზე. ძალზედ საინტერესოა, აგრეთვე, ის ფაქტი, რომ რამდენიმე საპრემიერო ჩვენებაზე ნიკა მაჩაიძე სცენაზე მოცეკვავეებს შორის, როგორც ერთ-ერთი პერსონაჟი მუსიკოსი, თავისი საკრავით - ლეპტოპით მოგვევლინება, რითაც გამოჩნდება თუ რამდენად შემოიჭრა ციფრული ტექნოლოგია ჩვენს ყოველდღიურობაში.

უდიდესი მნიშვნელობა აქვს დავინახოთ თანამედროვე ცეკვის დღევანდელობა საქართველოში, გავიცნოთ ახალი სახეები და  წარმოვაჩინოთ მოქმედი ხელოვანების განვითარების პროცესები. გიორგი ალექსიძის სახელობის თანამედროვე ქორეოგრაფიის განვითარების ფონდისა და გიორგი ალექსიძის სახელობის „თბილისის თანამედროვე ბალეტის“ მუშაობის ერთ-ერთი მნიშვნელოვანი მიმართულება თანამედროვე ქართველი ხელოვანების მონაწილეობით ქართული ქორეოგრაფიული წარმოდგენების შექმნის ხელშეწყობაა. თანამედროვე ქორეოგრაფია თანამედროვე მუსიკასთან და თანამედროვე თეატრალურ მხატვრობასთან მხარდამხარ ვითარდება, რაც ქვეყანაში დარგის განვითარების უმთავრესი წინაპირობაა და რასაც გიორგი ალექსიძის სახელობის „თბილისის თანამედროვე ბალეტი“ ემსახურება. დასის საქმიანობის მნიშვნელოვანი ხელშეწყობისათვის დიდ მადლობას ვუხდი ქალაქ თბილისის მერიასა და საკრებულოს!

ეს პროექტი გამორჩეულია იმით, რომ თანამედროვე საბალეტო დასისთვის დაიდგა კიდევ ერთი საავტორო, ქართული თანამედროვე ბალეტი, რომლის შექმნაშიც დღეს ჩვენს წიაღში მოქმედი ახალგაზრდა და ნიჭიერი ხელოვანები მონაწილეობენ. თეატრალური დარბაზი და სცენა, რომელიც აბრეშუმის ფაბრიკის კინოპავილიონში აიგო, ჩანაფიქრის ორიგინალურობას კიდევ უფრო გამოკვეთს. ამ შესაძლებლობისთვის და შთაგონებული, თავდაუზოგავი თანამშრომლობისთვის დიდი მადლობა აბრეშუმის ფაბრიკის სტუდიის დირექტორს ბატონ გიორგი ხაინდრავას და სტუდიის მთელ გუნდს!

პროექტის ფარგლებში დასის დირექტორის და პროექტის იდეის, კონცეფციისა და ხელმძღვანელის დავით მაზიაშვილის ჩანაფიქრით აბრეშუმის ფაბრიკის სტუდიასთან ერთობლივად ვფიქრობ, უმნიშვნელოვანესი შემეცნებითი ვიდეო პროექტი განხორციელდა. მეტამორფოზების სამზადისის დაწყებიდან ყოველი კვირის პარასკევს ინტერნეტ სივრცეში დაინტერესებული მაყურებელი ვიდეორგოლების საშუალებით ეცნობოდა სპექტაკლის დადგმის პროცესს, მასში მონაწილეებსა და შესრულებულ სამუშაოებს. ვიდეოებს თვალს ადევნებდა ათიათასობით მაყურებელი, რაც იმაზე მეტყველებს, რომ საზოგადოება დაინტერესებულია თანამედროვე ხელოვნებით, ქორეოგრაფიით და მისი შექმნის პროცესებით.

სპექტაკლის შექმნის პროცესში ჩემთვის მნიშვნელოვანია, რომ მოცეკვავეები გარდა სპექტკლისათვის საჭირო ფიზიკური და სულიერი მომზადებისა, ღრმად შეიცნონ მასალა და გაჟღენთილებმა და შთაგონებულებმა ამ სამყაროთი, საკუთარი სხეულის ფიქრი ინდივიდუალური ემოციების, ენერგეტიკისა და გრძნობების საფუძველზე გადასცენ მაყურებელს. პროექტის ფარგლებში განსაკუთრებული შესაძლებლობა მოგვეცა: ალექსიძეების ოჯახის ძვირფასმა, ერთგულმა მეგობარმა აკადემიკოსმა რისმაგ გორდეზიანმა დასის წევრებს თავის ბინაზე უმასპინძლა და ოვიდიუსის „მეტამორფოზების“ შესახებ ლექცია წაუკითხა.  თსუ-ის პროფესორმა თემურ კობახიძემ დასისთვის სპეციალურად წაიკითხა ლექცია „ოვიდიუსის „მეტამორფოზების“ აღქმა მეოცე საუკუნის ლიტერატურაში“. დასის წევრები და შემოქმედებითი გუნდი დაესწრნენ თსუ-ის ასოცირებული პროფესორისა და დასის დირექტორის დავით მაზიაშვილის საჯარო ლექციას „შექსპირის  მეტამორფოზა 2017 წლის ლონდონის თეატრებში“.     დიდი მადლობა მათ ამ დაუვიწყარი შეხვედრებისათვის!

ბედნიერი ვარ, როცა ვხედავ, რომ დასის მსახიობები ჩვენ შემოქმედებით გუნდთან მუშაობის, ახალი დადგმების, დასის საგანმანათლებლო მიმართულებისა და რეპეტიციებს მიღმა აქტივობების  საფუძველზე ჩვენს თვალწინ სულ უფრო იხვეწებიან, ვითარდებიან ტექნიკურად და ნამდვილ არტისტებად ყალიბდებიან. ჩვენს რთულ პროფესიაში მუდმივმოქმედობა, უწყვეტი და შრომატევადი სამუშაო პროცესი ხარისხისა და განვითარების წინაპირობაა. მოხარული ვარ, რომ ამ პროექტში შემოგვიერთდნენ დასის ახალგაზრდა წევრებიც, პრაქტიკანტები, რომლებმაც 2017 წლიდან დასის საგანმანათლებლო მიმართულების -  თანამედროვე ცეკვის ტექნიკის შემსწავლელ კურსებზე სწავლისას გამოიჩინეს თავი. ვგრძნობ, რომ დასთან ერთად მეც ვიზრდები, როგორც ქორეოგრაფი, რადგან დასისთვის შერჩეული და აქ მომუშავე თითოეული მოცეკვავის გონება გახსნილია ფანტაზიისათვის, ხოლო  მათი ტექნიკური, სტილისტური, მუსიკალური ზრდა ქორეოგრაფიული ლექსიკის ძიებაში მეტ შესაძლებლობებს მიხსნის.  ვფიქრობ ეს სპექტაკლი მნიშვნელოვანი მეტამორფოზა იქნება ჩემთვისაც, როგორც ქორეოგრაფისთვის. ამ ნამუშევრით დავასრულებ ქორეოგრაფად მუშაობის პირველ, ნაყოფიერ ათ წელიწადს და შემდეგ ეტაპზე შევაბიჯებ.

ნებისმიერი კარგი იდეა თუ ჩანაფიქრი  განუხორციელებელი დარჩება თუ ამ წამოწყებაში არ გყავს თანამოაზრეები. მადლობას ვუხდი ჩემს ოჯახის წევრებს, ჩვენი დასის მეგობრებს და გულშემატკივრებს. დასისა და სპექტაკლის შემოქმედებით, ტექნიკურ და ადმინისტაციულ გუნდს, სამხატვრო საამქროებს, სახელოსნოებს, თითოეულ იმ ადამიანს, ვინც ჩართული იყო ამ პროექტში. და ბოლოს, მადლობას ვუხდი ჩემს უმთავრეს თანამოაზრეს, დასის დირექტორს დავით მაზიაშვილს, რომელიც ჩვენი დასის უმნიშვნელოვანესი მონაპოვარი და ბირთვია და რომლის გარეშეც „მეტამორფოზებს“ ვერ ჩავბერავდით სულს.

სპექტაკლის მაყურებლისთვის გაზიარებისას სურვილი მაქვს, „მეტამორფოზებმა“ მცირე დროით მაინც დააფიქროს ისინი იმ უსასრულო სივრცეზე, რასაც სამყარო ყველას გვთავაზობს. ვეცადოთ მშვენიერებით შევავსოთ იგი!

 

მარიამ ალექსიძე

 

 

პრემიერა „მეტამორფოზები“ თანამედროვე ბალეტი

სრულად ...

გიორგი ალექსიძის სახელობის „თბილისის თანამედროვე ბალეტისა“ და “Silk Factory Studio“ - ს ერთობლივი პროექტის, მარიამ ალექსიძის თანამედროვე ბალეტის „მეტამორფოზები“ პრემიერა  2,3,4, 9,10 და 11 მარტს აბრეშუმის ფაბრიკის კინოპავილიონში გაიმართა.

მალე...

სრულად ...

"მეტამორფოზები"

თანამედროვე ბალეტი

კალენდარი 2018

სრულად ...

გამოიცა 2018 წლის კალენდარი - „გიორგი ალექსიძის სახელობის „თბილისის თანამედროვე ბალეტი“ თბილისის უბნებში“.

პარტნიორობისთვის დიდი მადლობა სტამბას „ფავორიტი“.

ფოტოპროექტის „გიორგი ალექსიძის სახელობის „თბილისის თანამედროვე ბალეტი“ თბილისის უბნებში“ იდეის ავტორები - დავით მაზიაშვილი და მარიამ ალექსიძე, ფოტოების ავტორი - თინა ყაზახიშვილი, 2018 წლის კალენდრის დიზაინერი - ბესიკ დანელია.

 

17 დეკემბერი 2017

გიორგი ალექსიძის სახელობის „თბილისის თანამედროვე ბალეტის“ დასმა და Silk Factory Studio - მ ერთობლივი პროექტი დაიწყო.

სრულად ...

მარიამ ალექსიძის მიერ დასისთვის დიდი ფორმატის თანამედროვე ბალეტი „მეტამორფოზები“ შეიქმნება. იოჰან სებასტიან ბახისა და ნიკა მაჩაიძის ორიგინალური მუსიკა, ანა ნინუას მხატვრობა, პროექტის ხელმძღვანელი დავით მაზიაშვილი.

სპეციალურად ამ ჩანაფიქრისთვის Silk Factory Studio სცენასა და მაყურბელთა დარბაზს ააგებს, სადაც 2018 წლის მარტს თანამედროვე ბალეტის „მეტამორფოზები“ მსოფლიო პრემიერა შედგება.

09 დეკემბერი 2017

9 დეკემბერს, სასტუმრო „იოტას“ საკონფერენციო დარბაზში, გიორგი ალექსიძის სახელობის „თბილისის თანამედროვე ბალეტის“ ოფიციალური ვებგვერდის წარდგინება შედგება.

სრულად ...

ვებგვერდი დამზადებულია დასის პარტნიორის, კომპანია 42 გრადუსის მიერ. ვებგვერდზე მუშაობამ წელიწადზე მეტი გასტანა და ორ ენაზე ამომწურავ ინფორმაციას მოიცავს. ვებგვერდზე განთავსებულია, როგორც დასის საქმიანობის სრული ინფორმაცია, ასევე გიორგი ალექსიძის სახელობის თანამედროვე ქორეოგრაფიის განვითარების ფონდისა და გიორგი ალექსიძის შესახებ. ვებგვერდი დამზადებულია თანამედროვე ტექნოლოგიებით და გაჯერებულია დასის ორიგინალური ვიზუალური მასალით.

06 დეკემბერი 2017

6 დეკემბერს, რუსთაველის თეატრის დიდ სცენაზე Welcome to Georgia! ტურიზმის ეროვნული დაჯილდოების ცერემონიალი გაიმართება, სადაც გიორგი ალექსიძის სახელობის „თბილისის თანამედროვე ბალეტი“ თბილისის მერიის ბიგ ბენდთან ერთად მარიამ ალექსიძის ორ ჯაზ-ბალეტის კომპოზიციას შეასრულებს.

სრულად ...

22 ნოემბერი 2017

22 ნოემბერს, რუსთაველის თეატრის დიდ სცენაზე, გიორგი ალექსიძის სახელობის „თბილისის თანამედროვე ბალეტის“ დასის მიერ გიორგი ალექსიძის ქორეოგრაფიის საღამოს მესამე საპრემიერო ჩვენება გაიმართება.

სრულად ...

წარმოდგენილი იქნება გია ყანჩელის „დიპლიპიტო“, ერთმოქმედებიანი თანამედროვე ბალეტი ფედრას თემაზე, იური გეგეშიძის მხატვრული გაფორმებით და საბალეტო მინიატურები ი.ს.ბახის, ი.ბრამსის, ა.კორელის, დ.შოსტაკოვიჩის, ა.პიაცოლას, ჩ.ჩაპლინის, ი.დუნაევსკის, ე.დენისოვის, ი.კეჭაყმაძის და გ.ყანჩელის მუსიკაზე.

07 ოქტომბერი 2017 - 08 ოქტომბერი 2017

7 და 8 ოქტომბერს, გიორგი ალექსიძის სახელობის „თბილისის თანამედროვე ბალეტი“ „თბილისობის“ დღესასწაულში მონაწილეობს.

სრულად ...

ისევე როგორც 2016 წელს, 2017 წელსაც მარიამ ალექსიძის მიერ სპეციალურად თბილისობისთვის დაიდგა წარმოდგენა, ამჯერად გერმანიაში მოღვაწე ქართველი მუსიკოსის რუსუდან მეიფარიანის მუსიკაზე. რუსუდან მეიფარიანი სპეციალურად თბილისობის დღესასწაულისთვის ჩამოვა და ქორეოგრაფიულ წარმოდგენაში „ხმა დაირისა...“ გიორგი ალექსიძის სახელობის „თბილისის თანამედროვე ბალეტის“ დასს ახალ აღმაშენებელზე, ღია ცის ქვეშ, თავისი კომპოზიციების ცოცხალი შესრულებით შეუერთდება.

28 სექტემბერი 2017

ვახტანგ ჭაბუკიანის მემორიალურ ბინა-მუზეუმში ლექცია-შეხვედრა მარიამ ალექსიძესთან

სრულად ...

თბილისის მუზეუმების გაერთიანების საჯარო ლექციების და შეხვედრების ციკლის ფარგლებში 2017 წლის 28 სექტემბერს ვახტანგ ჭაბუკიანის მემორიალურ ბინა-მუზეუმში შედგება ლექცია-შეხვედრა გიორგი ალექსიძის სახელობის „თბილისის თანამედროვე ბალეტის“ სამხატვრო ხელმძღვანელთან, ქორეოგრაფ მარიამ ალექსიძესთან თემაზე - „თანამედროვე ბალეტი“.

04 ოქტომბერი 2017

გიორგი ალექსიძის სახელობის „თბილისის თანამედროვე ბალეტის“ 2017/18 წლის, მეორე თეატრალური სეზონი 4 ოქტომბერს გაიხსნება

სრულად ...

გიორგი ალექსიძის სახელობის „თბილისის თანამედროვე ბალეტის“ 2017/18 წლის, მეორე თეატრალური სეზონი 4 ოქტომბერს, რუსთაველის თეატრის მცირე სცენაზე გალაკტიონ ტაბიძის პოეზიაზე დადგმული, მარიამ ალექსიძის საავტორო თანამედროვე ბალეტით „დოვინ-დოვენ-დოვლი...“ გაიხსნება.

2016/17 წლის დასის პირველი თეატრალური სეზონის გახსნა და ოფიციალური წარდგინება სპექტაკლის „დოვინ-დოვენ-დოვლი...“ პრემიერით შედგა. 2016 წლის 17 ნოემბერს გალაკტიონის დაბადებიდან 125 წლის საიუბილეო თარიღის აღსანიშნავად სპექტაკლი ქუთაისის მ.ბალანჩივაძის სახელობის ოპერისა და ბალეტის თეატრში იქნა ნაჩვენები. 2017 წლის 26 მარტს „დოვინ-დოვენ-დოვლი...“ კვლავ რუსთაველის თეატრის მცირე სცენაზე იქნა ნაჩვენები. სპექტაკლზე სრულად გაიყიდა ბილეთები და საზოგადოებაში დიდი ინტერესი და გამოხმაურება გამოიწვია.

19 სექტემბერი 2017

თსუ - საერთაშორისო კონფერენცია „მედეას თემა მსოფლიოს მხატვრულ კულტურაში“

სრულად ...

ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის მიერ ორგანიზებულ საერთაშორისო კონფერენციაზე „მედეას თემა მსოფლიოს მხატვრულ კულტურაში“ მონაწილეობას მივიღებთ გიორგი ალექსიძის საბალეტო მინიატურით იოსებ კეჭაყმაძის მუსიკაზე „მედეა“. კონფერენციაზე ასევე ნაჩვენები იქნება კინოსტუდია „ქართული ფილმის“ მიერ 1979 წ. გადაღებული კომპოზიტორ რევაზ გაბიჩვაძისა და გიორგი ალექსიძის ფილმ-ბალეტი „მედეა“, სადაც მედეას პარტიას მარინა ალექსიძე (გოდერძიშვილი) ასრულებს.

04 სექტემბერი 2017 - 10 სექტემბერი 2017

ქორეოგრაფისა და პედაგოგის ბე ვან ვარკის ვორკშოპი

სრულად ...

საქართველოში გოეთეს ინსტიტუტთან თანამშრომლობითა და ანიმაციური ფილმების საერთაშორისო ფესტივალთან „ნიქოზი“ პარტნიორობით, 4 - დან 10 სექტემბრამდე, ქ.ბერლინში მოღვაწე ქორეოგრაფები და პედაგოგები ბე და მევლანა ვან ვარკები გიორგი ალექსიძის სახელობის „თბილისის თანამედროვე ბალეტის“ დასთან ცეკვის თეატრის ვორკშოპს ჩაატარებენ.