ერეკლე ჟღენტი

მოცეკვავე

 

 

 

ერეკლე ჟღენტი 5 წლის ასაკიდან  ქ. ბოლნისის ქართული ეროვნული ცეკვების სახალხო ქორეოგრაფიული სკოლა-სტუდია და ანსამბლ „ბოლნელში“  ქართული ნაციონალური ცეკვის ხელოვნებას ეუფლებოდა. გაიარა ისეთი ცნობილი ქორეოგრაფების მასტერკლასები, როგორებიც არიან დათუნიკა სხირტლაძე, ლევან ალიაშვილი, კახაბერ დგებუაძე და სხვები, ეზიარა სპორტულ - სამეჯლისო ცეკვებსა (მწვრთნელი გოჩა ხელიძე) და კლასიკური ქორეოგრაფიის საფუძვლებს.

2003 - 2015 წლებში ცეკვავდა ქორეოგრაფიულ ანსამბლში „ბოლნელი“. 2017 წლიდან დღემდე, ამავე ანსამბლში მუშაობს, როგორც ქორეოგრაფი.

2015 - 2017 წლებში ცეკვავდა საქართველოს ეროვნული უნივერსიტეტის ანსამბლში „სეუ“.

2017 წლიდან ქართული ნაციონალური ბალეტის „სუხიშვილები“ სტაჟიორია.

2018 წლიდან ერეკლე ჟღენტი გიორგი ალექსიძის სახელობის „თბილისის თანამედროვე ბალეტის“ საგანმანათლებლო პროგრამების ფარგლებში ეუფლება თანამედროვე ცეკვის ტექნიკასა და კლასიკურ ბალეტს. 2019 წლიდან ერეკლე დასის პრაქტიკანტი გახდა. იგი მონაწილეობდა დასის სარეპერტუარო სპექტაკლებში: „მეტამორფოზები“ - მარიამ ალექსიძის თანამედროვე ბალეტი; Connexion და „ფიროსმანი“ - გიორგი ალექსიძის თანამედროვე ბალეტები.

2020 წლიდან ერეკლე ჟღენტი გიორგი ალექსიძის სახელობის „თბილისის თანამედროვე ბალეტის“ დასის მოცეკვავეა.

უკან დაბრუნება