გიორგი ალექსიძის სახელობის „თბილისის თანამედროვე ბალეტის“ თანამედროვე ქორეოგრაფიის ვირტუალური წარმოდგენების ციკლის ფარგლებში დასის სამხატვრო ხელმძღვანელის, ქორეოგრაფ მარიამ ალექსიძისა და დასის დირექტორის, პროფესორ დავით მაზიაშვილის  შთაგონება ახალი სოლო ქორეოგრაფიული კომპოზიციისა და ფილმ-ბალეტის,  „ადას ოთახის“  შექმნისათვის ლორდ ბაირონის ქალიშვილი ადა ლავლეისი გახდა, რომელიც პირველ ქალ პროგრამისტად და „კომპიუტერის ეპოქის წინასწარმეტყველად“ ითვლება.

„სკამი, რომელიც დაჯდომას ელის“ - არის Fine5 ცეკვის თეატრის შემქმნელებისა და სამხატვრო ხელმძღვანელების ტიინა ოლესკისა და რენე ნომიკის მიერ დადგმული საცეკვაო წარმოდგენა, რომელიც აერთიანებს ქორეოგრაფიას, მუსიკას, ლაზერულ განათებასა და სივრცეს. Fine5 DT-ის ნაწარმოების ქორეოგრაფიული გამოსახულებები და მოძრაობის ენა შექმნილია ნაწარმოების აქტუალურ, მაგრამ ამავდროულად ხშირად შიშის მომგვრელ თემაზე: დაბერებული სხეულის ჭკნობა, თანმხლები შინაგანი და გარეგანი რიტმების კონფლიქტი, სხეულის დამახინჯებული აღქმა, მოძრაობების ძალა და სისუსტე და შეუსრულებული სურვილების არსებობა.