22 ნოემბერს, რუსთაველის თეატრის დიდ სცენაზე,
გიორგი ალექსიძის სახელობის „თბილისის თანამედროვე ბალეტი“,
გიორგი ალექსიძის ქორეოგრაფიის საღამოს წარმოადგენს.

გიორგი ალექსიძის ქორეოგრაფიის საღამოს პირველ განყოფილებაში ი.ს.ბახის, ი.ბრამსის, ა.კორელის, დ.შოსტაკოვიჩის, ა.პიაცოლას, ჩ.ჩაპლინის, ი.დუნაევსკის, ე.დენისოვის, ი.კეჭაყმაძის და გ.ყანჩელის მუსიკაზე, გიორგი ალექსიძის თორმეტი საბალეტო მინიატურა შესრულდება, რომლიდანაც თითოეული შედევრია. გიორგი ალექსიძის გარდაცვალების შემდეგ, მინიატურები აღდგენილ იქნა მარინა და მარიამ ალექსიძეების მიერ და რამდენიმე მათგანი საქართველოში პირველად სრულდება.

საღამოს მეორე განყოფილებაში წარმოდგენილი იქნება კომპოზიტორ გია ყანჩელის „დიპლიპიტო“, გიორგი ალექსიძის თანამედროვე ბალეტი ფედრას თემაზე. „დიპლიპიტო“ გიორგი ალექსიძემ 1999 წელს, ზ.ფალიაშვილის სახელობის თბილისის ოპერისა და ბალეტის სახელმწიფო თეატრის საბალეტო დასის სამხატვრო ხელმძღვანელად მუშაობის პერიოდში დადგა. გია ყანჩელის ნაწარმოებს „დიპლიპიტო“ ქორეოგრაფმა ფედრას თემა მიუსადაგა. მხატვარ იური გეგეშიძის ფერადოვანი, ანტიკური თეატრის სიმბოლიკით გაჯერებული, თანამედროვე საბალეტო კოსტიუმები შესანიშნავად ერწყმის სპექტაკლის არსს.

„დიპლიპიტო“, ჩვიდმეტი წლის შემდეგ, აღდგენილ იქნა ქეთევან მუხაშავრიას, მარინა და მარიამ ალექსიძეების მიერ და გიორგი ალექსიძის სახელობის „თბილისის თანამედროვე ბალეტის“ კამერული დასის მიერ კვლავ სრულდება.

მონაწილეობენ:

გიორგი ალექსიძის სახელობის „თბილისის თანამედროვე ბალეტის“ დასი და ბალეტის მოწვეული მსახიობები.

გიორგი ალექსიძის ქორეოგრაფიის ყველა უფლება ეკუთვნის მარინა ალექსიძეს (საქართველოს დამსახურებული არტისტი)

გიორგი ალექსიძის სახელობის „თბილისის თანამედროვე ბალეტის“

მეორე სეზონი

დასის სამხატვრო ხელმძღვანელი მარიამ ალექსიძე

ინფორმაციისთვის მოგვმართეთ: info@tbilisiballet.ge